Тӗнчере тӗрлӗрен ҫынсем пурӑнаҫҫӗ. Хӑшӗ-пӗрин пирки тӗплӗнрех пӗлес килет-и?

1. Элизани да Крус Сильва Бразилире ҫуралнӑ. Вӑл сывӑ ҫитӗннӗ, анчах тантӑшӗсенчен ҫӳллӗрех пулнӑ. Элизани 203 сантиметр ҫӳллӗш ҫитӗннӗ. Вӑл – Бразилири чи ҫӳллӗ хӗр. Савни тупма ҫӑмӑл мар тетӗр-и? Элизани хитре каччӑпа виҫӗ ҫул тӗл пулать. Пӗлтӗр хӗре ҫураҫнӑ. Каччӑ 162 сантиметр ҫӳллӗш. Анчах юратура кӗлетке ҫӳллӗшӗ пӗлтерӗшлӗ мар.

2. Гимнастика енӗпе чемпионка урасӑр ҫуралнӑ. АПШра пурӑнакан Джен Брикер генетикӑри улшӑнӑва пула урасӑр ҫуралнӑ. Ашшӗ-амӑшӗ ӑна пӗчӗк чухнех хӑварнӑ, ӑна Брикерсем усрава илнӗ. Вӗсем 16 ҫулти хӗре спорт гимнастикине илсе ҫӳреме тытӑннӑ. Джен 1996 ҫулта иртнӗ Олимп вӑййисенче ҫӗнтернӗ Доминик Хелен-Мосинӑна тӗслӗх вырӑнне хунӑ. Дженӑн усрава иличчен Мосина хушамат пулнӑ-мӗн. Доминик – унӑн пӗртӑван аппӑшӗ-мӗн. Эппин, гимнастика унӑн юнӗнче пур. Вӑл штатри чемпионка пулса тӑнӑ.

3. Хӗвелтухӑҫ Индире ҫуралнӑ Калим пысӑк алӑллӑ. Вӑл 8 ҫулта. Кашни алли 8-шар килограмм таять, алӑ тупанӗ 33 сантиметр. Калим пули-пулми ӗҫе тӑваймасть. Унӑн ашшӗ-амӑшӗ укҫа нумай ӗҫлесе илмест, ҫапах ывӑлне пулӑшма тӑрӑшать. Анчах усси ҫук. Тухтӑрсем диагноз та палӑртаймаҫҫӗ.

4. Автара Сингха 45 килограмм таякан тюрбан тӑхӑнса ҫӳрет. Ӑна ҫӗлемешкӗн 645 метр пусма кирлӗ пулнӑ. 60 ҫултискер ӑна 16 ҫул тӑхӑнса ҫӳрет ӗнтӗ. Машинӑна, пӳрте кӗнӗ чухне яланах пӑтӑрмах сиксе тухать – калпак ытла та пысӑк-ҫке-ха.

5. 2 метр ҫӳллӗш, 130 килограмм таякан Аманда Суле укҫа ӗҫлесе илме пӗлет. Вӑл самӑр хӗрарӑмсене килӗштерекен арҫынсене йӑтса ҫӳреме, ярӑнтарма пултарать. Паллах, укҫа тӳлесен ҫеҫ. Аманда модель пулма ӗмӗтленнӗ. Анчах ун пек кӗлеткепе ун пек карьера пирки манма тивнӗ. Ҫапах Амандӑна килӗштерекен арҫын нумай халӗ.