Тораизмӑн кукӑр-макӑр сукмакӗсемпе пӑтрашса ларнӑ чухне, Конмин тепӗр цитати мана култарса вӗлерсе пӑрахрӗ.

Кашни чӑваш хӑй патша тени паян модӑра. (Agabazar кӑшт тӗпчени пекки тунӑччӗ-ха ҫак каларӑша - http://en.chuvash.org/blogs/comments/2014/2.html). Паллах, кашни ҫыннӑн хӑйне хӑй тытма пӗлмелле, анчах тӗрӗслӗхе хирӗҫ тӗрӗслехӗ пӗлнӗ пек катӑккӑн ҫырни сӳнтерейми пушар пек алхасма пуҫларӗ чӑвашра. Цивилизацийӗ, Месопотамийӗ ҫинчен, Санскритне пӗлмесӗр Сансксрит ҫинчен ҫырни, Египет чӗлхипе культтурине хисеплемесӗр, Лапракассинчи навус кучӗ хыҫӗнчен кусен чӗлхи чӑвашӑнах-иҫ, йӑлт пирӗнтен илнӗ тесе ухмаха пени - хммм... култарать те кулянтарать те.

Ӑҫта сӑпайлӑх, ӑҫта ҫынӑннине хисеплени? Ӑҫта сиксе тухрӗ чӑваш йӑвинчен ҫак сӑх мӑнаҫлӑх...

Ҫӗнӗ Шупашкар | | патши (патак+шалча=патша) хӑйӗн ӑслӑ-тӑнлӑ цивилизаци-катаклизмӗсем хыҫҫӑн ҫырать:

"шыракан тупать" тере мана Унтри Иване вилес умен темисе кун маларах.

Ҫак этемех грексене те витӗр курать, библине те кирлӗ пек ҫавӑрттарса ҫырать. Юрать-ха, Унтри Иванӗ Софоклӑн тата Иисусӑн паллӑ каларӑшне каласа хӑварнӑ. Тен Конми те ҫил ӑҫтан вӗрнине ӑнланӗ, пур чӑваш патши те. Тӗрӗслӗхе тирӗспе пӑтратни намӑспа мӗнле килӗшсе тӑрать-ши вӗсен шучӗпе?

Куна вуласа мӗнле хуравласси халӗ те паллӑ:

Ара, авалхи Грексем (Софокл) Унтри Иванӗ пекех чӑвашла калаҫатчӗҫ-иҫ. Вӗсем ку сӑмаха чӑваш мӑн аслашшӗсенчен илтнӗ, чӑваш пек авалхи чӗлхе ҫук, пур те унран папакланса тухнӑ. Иссусӗ те чӑвашла пӗлнӗ...