Халӑх хутлӑхӗнче чӑваш чӗлхипе, уйрӑмах ҫыруллӑ чӗлхепе, усӑ курни пирки

Паллӑ ӗнтӗ, паянхи куна халӑх хутлӑхӗнче (усламҫӑсем, тӗрлӗ кантурсемпе организацисем хӑйсен ӗҫӗнче) чӑваш чӗлхипе усӑ курманнипе пӗрех. Ку вӑл тӗрлӗ сӑлтавсемпе ҫыхӑннӑ, пӗр сӑмахпа каласан — чӑваш чӗлхин статусӗ питӗ пӗчӗк шайра, нумай ҫыншӑн ун кирлӗлӗхӗ ҫукпа пӗрех.

Ҫак ӗҫре усламҫӑсен ак мӗн пӗлмелле: вӑйра тӑракан саккунлӑхпа килӗшӳллӗн кашни чӑвашӑн пур информацие хӑй тӑван чӗлхипе илме ирӗк, право, пур. Унсӑр пуҫна кашни чӑвашшӑнан йӗри-тавра унӑн тӑван чӗлхипе ҫырни хӑйӗншӗн питӗ кӑмӑллӑ.

Ҫав вӑхӑтрах пирӗн ҫакна асра тытмалла, ҫак енпе ӗҫлемелле:

1. Чӑваш чӗлхипе курӑмлӑ хитре те тӗрӗс усӑ куракан учрежденисемпе организацисене палӑртмалла, мухтамалла, вӗсем ыттисемшӗн тӗслӗх пек пулмалла.

2. Чӑваш чӗлхипе усӑ курма кӑмӑл тӑвакан, анчах та йӑнӑшакан е ҫак ӗҫре йывӑрлӑхсем тӳсекен учрежденисемпе организацисене вӗсен йӑнӑшӗсене палӑртса тӳрлетме пулӑшмалла.

3. Чӑваш чӗлхипе пач та усӑ курман учрежденисемпе организацисене ҫӳлерех палӑртнӑ иккӗмӗш абзацри шухӑшпа, кӗскен каласан, паллаштармалла, паллах, хирӗҫмесӗр-вӑрҫмасӑр.

Хамӑрӑнтан нумай килет :) Чӑваш чӗлхишӗн кар тӑрар! Республика кунӗпе, туссем :D

Ирӗклӗх ушкӑн.

Сӑн ҫинче: чӑваш хӗрачисем Шупашкарти Акатуйра (2016, Аҫтахар Плотников тунӑ сӑн)