Pri la retejo Novaĵoj ĈuvaŝioĈuvaŝoj
Distriktoj
Urboj
Homoj
Loĝantaro
Simbolaro
TradiciojMitoj kaj Legendoj
Muziko
Vesto
Brodaĵoj
Kuirarto
Ne-kristanaj Nomoj
Kulturo Historio Literaturo Ĉuvaŝa lingvo Forumo Ligiloj
+0.3 °C
Таисия // 1908.51.2978
2015.03.18 12:29 | |
Шел, хамӑн шухӑшӑмсене ҫырма тытӑннӑччӗ, тем сӑлтава пула ҫырнисем ҫухалчӗҫ.Ӑсӑртран кирлӗ мар ҫӗре пускаларӑм пулас. Юрӗ, ку тарама. Ҫирӗм ҫул ытла республика тулашӗнче пурӑннӑ хыҫҫӑн тӑван ене таврӑнас терёмӗр. Аслӑ ывӑлӑм тӑван чӗлхене аванах пӗлет пек, хирӗҫленине та асӑрхаман, кӗҫӗнни вара ун пек кӑмӑла палӑртсах каймасть. Ыйтӑвӗ манӑн пачах урӑххинче: мӗншӗн чӑваш чӗлхине ҫавӑн пек майпа шкулта вӗрентни пирки. Пӗлетӗр-и эсир, мӗн чухлӗ хирӗҫӳ, мӗн чухлӗ ачасен куҫҫулӗ !!! Паллах, ку сӑмахсем хыҫҫӑн тӗрлӗ "хура" сӑмах ман ҫине тиенӗ ӗнтӗ . Вика Сорокина пеккисен -- вёсен ачисем манӑнни пек чӑвашла пӗлеҫҫӗ-ши? Ҫапах та, чӑваш чӗлхине хула шкулӗсенче факультативлӑ майпа ҫеҫ вӗрентмалле тесе шутлатӑп, ун пек чух ӑна ытларах хисеплӗҫ, ачасен куҫҫулӗ те пулмӗ! Текех ку сайта кӗмӗп тесе шутланӑччӗ; ҫапах пӑхатӑп та , манӑн тусӑм - " хирӗҫтӑрӑвӑм" -- Agabazarӑм --хута кӗретех пулӗ тетӗп. Тӑван чӗлхемшӗн чунӑм ыратать. Хурав кӗтетӗп. | |
Таисия // 1908.51.2978
2015.03.18 12:37 | |
Тархасшӑн каҫарӑр, МИХ тени мӗне пӗлтерет - пӗлейместӗп, ӑнлавне те тупаймарӑм. | |
Аçтахар Плотников // 3584.01.1051
2015.03.18 12:52 | |
 |
Таисия, калӑр-ха вара, мӗншӗн вырӑс чӗлхине факультатив майӗпе вӗрентмелле мар? Вырӑс чӗлхине те вӗт хистесех вӗрентеҫҫӗ. Чӑваш чӗлхи мӗнрен кая? Е вӑл патшалӑх чӗлхи мар-и? //е факультатив майӗпе вӗрентсен чӑваш чӗлхине ытларах хисеплеме пуҫлӗҫ тесе шуталтӑр-и? Унччен хисеплеменнисем хисепе хума тытӑнӗҫ-ши?
Ман шутпа ыйтӑвӗ пачах урӑххинче — чӗлхене хисеплеме вӗрентменнинче. Влаҫ органӗсем ӑна «чӑрмав» пек курнинче. Вӗсен хыҫҫӑн халӑхӗ те ҫапла шухӑшлать. |
Таисия // 1908.51.2978
2015.03.18 13:26 | |
Ан ҫиленӗр, Админ. Темӗнле пулсан та эпир ӑҫта, мӗнле лару-тӑрура, кам хушшинче пурӑннине, тӗп хутшӑну мӗнле чӗлхепе пулнине шута илмелле тесе шутлатӑп. Раҫҫей ҫыннисемпе эсир ниушлӗ чӑваш чӗлхипе хутшӑнас тетӗр? Е тата Украинӑра пулас пулсан? Чӑваш чӗлхи вырӑнлӑ пулӗ -и? Эпӗ - чӑваш, унпа мухтанатӑп, никамран та пытармастӑп. Яланах ҫакӑн пирки пур ҫӗрте те мӑнаҫланса калатӑп. Асӑрханӑ тӑрӑх, шӑпах ҫакӑншӑн хисеплеҫҫӗ те пире, чӑвашсене!Ҫакна пур ҫӗрте те асӑрханӑ эпӗ. Кунта вара, хамӑр патӑмӑрта, чӗлхене хисепленипе пӗрлех, унӑн тӗп пӗлтерӗшне те, хакне те палӑртма пӗлмелле. Анчах та, ачасене шкулта хамӑр чӗлхене вӗрентнӗ чух хальлӗхе педагогсем май пур таран вӗсене "хирнисӗр" пуҫне нимӗн те курмастӑп. Сӑмах май, нумай ашшӗ-амӑшӗ чӑваш чӗлхине факультативлӑ майпа вӗрентес пулсан тӗрӗсрех пулнине ҫирӗплетет. Паллах, эсир ман шухӑшпа килӗшмессине малтанах туйса тӑратӑп. Тепӗр тесен, Туркайсен саккунне хирӗҫ халӗ никам та каяймасть пулӗ . | |
Таисия // 1908.51.2978
2015.03.18 14:19 | |
Эпир Раҫҫейре пурӑнатпӑр. Ҫавӑнпа та пирӗн пӗр хутшӑну чӗлхи - вырӑс чӗлхи. Ӑна хистесе вӗрентеҫҫё тени тӗрёс мар. Вӑл тӗп патшалӑх, Тӑван ҫёршывӑмӑр чӗлхи. Унпа эпир ытти халӑхпа, ытти тӗнчепе хутшӑнатпӑр, ун урлӑ пур пӗлӗве те илетпӗр. Чӑваш чӗлхи - анне ( тен, атте) чӗлхи пулсан та, унпа тӗнчене тухма йывӑр (ытти чӗлхене те хисеплес пулать). Хистев - яланах хирӗҫӳ, ӑнланманлӑх, тарӑху, вӗчӗхӳ ҫуратать. Ҫак сӑлтава пулах чӑваш чӗлхине (патшалӑх чӗлхи тесе) суя "саккунҫӑсем" халӑхран "сивӗтрӗҫ", ӑна халӑхран уйӑрчӗҫ. Факультатив майӗпе вӗрентсен, чӗлхемӗре хисеплекенсен йышӗ ӳсет. Влаҫ органӗсем тенӗрен : вӗсемшӗн чӗлхе пуррипе ҫукки пурӗ пӗр. Эсир ҫакна туймастӑр-им вара? | |
Agabazar // 4505.3.3002
2015.03.18 15:03 | |
 |
Таисия // 1908.51.2978 2015-03-18 12:29: <<Шел, хамӑн шухӑшӑмсене ҫырма тытӑннӑччӗ, тем сӑлтава пула ҫырнисем ҫухалчӗҫ.Ӑсӑртран кирлӗ мар ҫӗре пускаларӑм пулас. Юрӗ, ку тарама.>>
Эсир çырнисем ниçта та çухалман. Тепĕр страницăна çеç куçнă. Кунта халĕ мĕнпурĕ вунпилĕк страница."Текех ку сайта кӗмӗп тесе шутланӑччӗ; ҫапах пӑхатӑп та , манӑн тусӑм - " хирӗҫтӑрӑвӑм" -- Agabazarӑм --хута кӗретех пулӗ тетӗп. Тӑван чӗлхемшӗн чунӑм ыратать. Хурав кӗтетӗп. Админăн нÿхрепĕнче сире кăсăклантаракан ыйтусемпе ятарлă темăсем пайтах. Çавсенчен пĕрне туртса кăларма сĕнетĕп. Калăпăр, ак çакна: http://chuvash.org/blogs/comments/2227.html |
Аçтахар Плотников // 3584.01.1051
2015.03.18 18:17 | |
|
Ку шухăша хуратнă. Сăлтавĕ: тӗрӗс мар ӑнланнӑ. Таисия чӑваш чӗлхине «нишлӗ» пек хакланӑн туйӑнчӗ. Халь тепӗр хут лайӑхрах вуларӑм та йӑнӑшнине куртӑм. |
Аçтахар Плотников // 3584.01.1051
2015.03.18 18:20 | |
|
«Темӗнле пулсан та эпир ӑҫта, мӗнле лару-тӑрура, кам хушшинче пурӑннине, тӗп хутшӑну мӗнле чӗлхепе пулнине шута илмелле тесе шутлатӑп.»
Чӑвашӗсем 60% ытла пулсан пурте чӑвашла калаҫмалла мар-и? Пирӗн ялта 80% ытла чӑваш — анчах ашшӗ-амӑшӗ ачисене чӑвашла вӗрентмест, вырӑсла кӑна. Эп вӗсен ачисемпе чӑвашла калаҫсан мана ачисем «иностранец» ят параҫҫӗ. Шкулӗ мар вӗсене тӑван чӗлхерен пистернӗ, сирӗнешкел шухӑшлакан ашшӗ-амӑшӗ. «Мӗн тума кирлӗ чӑваш чӗлхи? Эпир Раҫҫейре пурӑнатпӑр, апла-тӑк вырӑсла вӗрентетпӗр», — ак ҫакнашкал вӗсен шухӑшлавӗ! |
Тимӗр // 4916-2612
2015.03.18 21:55 | |
Шел пулинте,Админ тӗрӗс калать. | |
Agabazar // 2231.56.0666
2015.03.18 22:46 | |
|
Таймер каллех хăйĕн авалхи халлапне çапма пуçласшăн пулĕ.
Чăннипе вара кунта Туркая "тÿнккемелли" тема |
